Desenvolvemos enxeñaría eléctrica para todo o sector industrial e, moi especialmente, para o sector naval. Realizamos parcial ou totalmente a enxeñaría eléctrica dun buque completo — mesmo con cota de clase DP3 e máis de 800.000 m de cable — así como de plantas enerxéticas e industriais (hidróxeno, biomasa, solar…).
Desenvolvemos enxeñaría eléctrica para todo o sector industrial, moi especialmente para o sector naval. Podemos asumir parcial ou totalmente a enxeñaría eléctrica dun buque completo — realizamos enxeñarías eléctricas íntegras de buques con máis de 800.000 metros de cable e cota de clase DP3 — así como a enxeñaría de plantas enerxéticas ou industriais (plantas de hidróxeno, biomasa, solares…).
Tipos de planos e entregables
Realizamos todo tipo de planos eléctricos, entre outros:
- Diagramas unifilares
- Cálculos eléctricos (ETAP): curtocircuíto, fluxo de cargas, harmónicos, terras…
- Planos de conexionado (EPLAN)
- Planos de disposición de equipos
- Planos de rutado
- Planos de sistemas (iluminación, DTI, comunicacións…)
- Listas de cargas, listado de equipos, listado de sinais (I/O List) e balances eléctricos
- Planos de caldeiraría eléctrica
- Bases de datos completas de cables e conexións
- Descricións funcionais e especificacións técnicas de equipos
- Cálculos de iluminación (Dialux)
- Cálculos térmicos
O traballo de enxeñaría pode realizarse nas nosas instalacións, desprazados no cliente ou de forma mixta.
Bases de datos personalizadas
Tamén creamos bases de datos personalizadas para o control dun proxecto (cables, conexións, materiais), baseadas en Access. As nosas bases de datos de cables e sinais póñense á disposición do cliente para facilitar os traballos de instalación, a compra de cables, o seguimento da construción (progreso) e a posta en marcha.
Traballamos con distintas plataformas de software para o desenvolvemento da enxeñaría — EPLAN, ETAP, CAD, Excel, Access. As nosas bases de datos están deseñadas para importar datos doutros softwares externos (FORAN, AVEVA, BAAN…), tales como metros de cables rutados ou listados de equipos, e exportan ficheiros para a súa inserción neses mesmos programas.
